Paborito

Ang anak kong si Marcelo ay may paboritong laruan. Siya ay si Green Bear.



Mahal na mahal niya ang berdeng oso na to.

Hindi ko alam baket pero sa lahat ng laruan, ito ang pinakamamahal niya. Kahit na magkaron siya ng iba (ang totoo sandamakmak na ang laruan dito sa bahay), pagdating ng gabi.. isa lang ang binabalik-balikan...

si Green Bear pa rin.

Nakakatuwang isipin na may mga bagay-bagay na darating sa iyong buhay na pawang mapanlinlang. Yung tipong darating pero alam mong panandaliang aliw lang. Oo, masaya ka at meron ka nito. Pero pagkatapos ay mapagsasawaan mo din at kakalimutan.

Dahil hindi lahat ng bagay na ito ay makapagbibigay sayo ng saya at lungkot . Hindi lahat ng bagay na ito ay tumabi sayo sa hirap at ginhawa. At lalung-lalo ng hindi lahat ng bagay na ito ay makakaintindi sa tunay mong pagkatao.

Kung kaya't ngayon naiintindihan ko na kung baket.

ako pala ang Green Bear ng buhay mo... :)